ახალი ამბები
იძულებულები ვართ ზუგდიდის და ფოთის ბაზრები დავხუროთ - გუბერნატორი
დღეიდან ზუგდიდის, სავარაუდოდ ხვალ კი  ფოთის ბაზარიც დაიხურება. ამის შესახებ სამეგრელო-ზემო სვანეთის სახელმწიფო რწმუნებულმა ჟურნალისტებთან საუბრისას განაცხადა. ალექსანდრე მოწერელიას თქმით, მიუხედავად ყველა გაფრთხილებისა, სავაჭრო ობიექტების ტერიტორიაზე მოქალაქეების ნაკადი არ შემცირებულა.

"დღეს ვიმყოფებოდი ფოთში, ახლა ვართ ზუგდიდში და სამწუხარო რეალობა გვაქვს. მიუხედავად პაატა იმნაძის განცხადებისა, ნაკადი არათუ შეწყდა და შემცირდა, არამედ მოიმატა. ამინდიც ხედავთ როგორია, მიუხედავად ამისა, ყველგან მომატებულია ნაკადი, როგორც ავტომობილების, ასევე მოსახლეობის. ყოვლად წარმოუდგენელია ის, რაც მოხდა დღეს ზუგდიდის ბაზარში. მიუხედავად პოლიციის მობილიზაციისა, მუნიციპალიტეტის მობილიზაციისა, პროცესი შეიქმნა უმართავი. მინდა ბოდიში მოვუხადო იმ მეწარმეებს, ვინც დღეს ფაქტიურად დარჩა დაზარალებული, იმის გამო, რომ მოქალაქეებმა დისტანციის დაცვაზე ფაქტიურად განაცხადეს უარი. ეს არის სრული უპასუხისმგებლობა, საკუთარი თავის, ახლობლების, ნათესავების, პოლიციის, ადმინისტრაციის - ყველას მიმართ. იძულებული გავხდით, რომ დაგვეწყო ბაზრის დახურვის პროცესი. რა დააშავა იმ ადამიანებმა, ვინც დღეს გამოვიდა, რომ სააღდგომოდ ორი კაპიკი ეშოვა. ასევე იმ ადამიანებმა, ვინც იცავს წესებს, დისტანციას, უნდოდათ შეეძინათ პროდუქტი და არ მიეცათ ამის საშუალება, უპასუხისმგებლო მოქალაქეების გამო. იძულებულები გავხდით, დაგვეწყო ეს პროცესი. დაიხურება როგორც ზუგდიდის ბაზრობა, ისე ფოთის", - განაცხადა გუბერნატორმა. 

მისივე თქმით, აღნიშნული შეზღუდვები გარემოვაჭრეებზეც გავრცელდება. 

"არც გარემოვაჭრეები იქნებიან ბაზართან ახლოს - ყველამ მინდა გაიგოს, ყველა დაჯარიმდება. ჩვენ მივდივართ უკიდურეს ზომებზე. არავის უხარია 3 000 ლარიანი ჯარიმების გამოწერა, მაგრამ პოლიცია იმოქმედებს კომპრომისის გარეშე. სამწუხაროდ, გუშინ მოუწიათ ერთი ოჯახის წევრებზე 6 000 ლარიანი ჯარიმის გამოწერა. ", - თქვა მოწერელიამ. 

ზუგდიდის ცენტრალური ბაზარი ნაწილობრივ რამდენიმე დღის წინ გაიხსნა. მუშაობა განაახლეს ადმინისტრაციულ შენობაში მდებარე სასურსათო მაღაზიებმა და ხილ-ბოსტნის სექციის მოვაჭრეებმა.
Print Email
FaceBook Twitter
რ ე კ ლ ა მ ა
პანდემიის პირობებში ბიზნესკლიენტების დასახმარებლად ტერაბანკმა ახალი პროექტი განახორციელა.
კოალიცია დამოუკიდებელი ცხოვრებისათვის „ფიფლ ინ ნიდ“-თან (PIN) თანამშრომლობით და ევროკავშირის ფინანსური მხარდაჭერით იწყებს ახალ პროექტს
სამეგრელო-ზემო სვანეთის სახელმწიფო რწმუნებულის მოადგილე ნინო ვიბლიანი, მერთან გიორგი შენგელიასთან და საკრებულოს თავმჯდომარე მამუკა წოწერიასთან ერთად,
კორონავირუსი
სამეგრელოს მასშტაბით არსებულ კოვიდმიმღებ კლინიკებში ბოლო მონაცემებით 196 ადამიანი მკურნალობს, მათგან 23 პაციენტის ჯანმრთელობის მდგომარეობა მძიმეა.
უწყებათაშორისი საკოორდინაციო საბჭოს ინფორმაციით, გასულ 24 საათში ქვეყნის მასშტაბით კორონავირუსზე  16 267 ადამიანი გამოიკვლიეს და დადასტურდა ინფიცირების 998 ახალი შემთხვევა.
დე ფაქტო რესპუბლიკაში Сovid 19-სგან მოსახლეობის დაცვის მიზნით შექმნილი ოპერატიული შტაბის ინფორმაციით 22 იანვარს აფხაზეთში 451 ადამიანი გამოიკვლიეს და მათგან 112-ს კორონავირუსი დაუდგინდა.
საზოგადოება
მთავრობის ადმინისტრაცია შეზღუდვების შემსუბუქებასთან დაკავშირებით დეტალურ ინფორმაციას ავრცელებს. საკოორდინაციო საბჭოს მიერ მიღებული გადაწყვეტილებით:
10-11 დეკემბერს ჟენევის საერთაშორისო მოლაპარაკებების 51-ე რაუნდი გაიმართა. სახელმწიფო მინისტრის აპარატის ცნობით, ორი სამუშაო ჯგუფის ფარგლებში წარმართულ დისკუსიაზე,
გარემოს დაცვისა და სოფლის მეურნეობის მინისტრის, ლევან დავითაშვილის გაცხადებით, სახელმწიფო პირველი ხარისხის ხორბლის ფქვილს დაასუფსიდირებს. მისივე თქმით, მთავრობა ამისთვის, დაახლოებით, 10 მილიონ ლარს დახარჯავს.
მთავარი საინფორმაციო გამოშვება
ჩვენი თვითმმართველობა
არქივი
ამინდი
ზუგდიდი 0 °C
img
სოხუმი 4 °C
img
ფოთი 3 °C
img
მესტია -4 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.