ახალი ამბები
სოხუმმა კორონავირუსით გარდაცვალების 5 შემთხვევა დაადასტურა - აფხაზი დეპუტატების ნაწილი შეზღუდვების გამკაცრებას ითხოვს
გასული დღე-ღამის განმავლობაში აფხაზეთში კორონავირუსზე ტესტირება 559 ადამიანს ჩაუტარდა და გამოვლინდა ინფიცირების 189 ახალი შემთხვევა. ინფორმაციას ოპერატიული შტაბი ავრცელებს. მათივე ცნობით, ბოლო ორ დღეში გუდაუთის კლინიკაში ხუთი პაციენტი გარდაიცვალა. სამი მამაკაცი 64, 71 და 83 წლის და ორი ქალი - 80 და 86 წლის.

ამ ეტაპზე გუდაუთის კოვიდ კლინიკაში 189 ინფიცირებული გადის მკურნალობის კურსს, მათგან 65 - ის მდგომარეობა მძიმეა. სოხუმის ინფექციურ საავადმყოფოში 43 პაციენტია მოთავსებული, მათგან 15 - ის ჯანმრთელობის მდგომარეობაა მძიმე, ოჩამჩირის ცენტრალურ საავადმყოფოში - 24, გაგრის კლინიკაში - 52, ხოლო ტყვარჩელში - 15.

ეპიდსიტუაციის გაუარესების გამო, აფხაზეთის დე ფაქტო რესპუბლიკის პარლამენტმა 26 ივლისს მიიღო დადგენილება, რომელიც  ჯანდაცვის რეკომენდაციების შესრულებაზე კონტროლის გამკაცრებას და დამატებითი შეზღუდვების დაწესებას ითვალისწინებს - მათ შორის, პირბადეების გამოყენების ვალდებულების შესრულების უზრუნველყოფას, კულტურული, სპორტული და გასართობი ღონისძიებების და ქორწილების აკრძალვას არა მხოლოდ დახურულ, არამედ ღია სივრცეშიც, სავაჭრო და კვების ობიექტებზე კონტროლის გაძლიერებას, კულტურის და სკოლამდელი აღზრდის დაწესებულებების საქმიანობის შეჩერებას და სხვა.

სააგენტო "აფსნიპრესის" ინფორმაციის თანახმად, ე.წ. პარლამენტის დეპუტატთა ნაწილი მოითხოვდა, რომ სავალდებულო გამხდარიყო "საზღვრის" გადაკვეთისას უცხო ქვეყნების მოქალაქეებისთვის Pჩღ ტესტირების უარყოფითი პასუხის წარდგენა, თუმცა, უმრავლესობამ ეს წინადადება არ გაიზიარა.

აფხაზი დეპუტატარების ნაწილმა კიდევ ერთი დადგენილების პროექტი მოამზადა, რომლის თანახმად ეპიდსიტუაციის გაუარესების გამო, ვაქცინებით, მედიკამენტებით და მედიკოსებით დახმარებას სთხოვდნენ რუსეთის დუმას და ფედერაციის საბჭოს, თუმცა, პროექტი ვერ მიიღეს, რადგან როგორც დეპუტატთა მეორე ნაწილი აცხადებდა, დადგენილებაში ჩამოთვლილი საკითხების გადაწყვეტა არა რუსეთის პარლამენტის, არამედ მთავრობის კომპეტენციაა.

პანდემიის დაწყებიდან დღემდე დე ფაქტო რესპუბლიკის მასშტაბით Covid -19 სულ 21 061 ადამიანს დაუდასტურდა, გარდაცვლილია - 289, გამოჯანმრთელდა 16763 მოქალაქე.


Print Email
FaceBook Twitter
რ ე კ ლ ა მ ა
ზუგდიდის მუნიციპალიტეტის მერიის, მოსწავლე ახალგაზრდობის სასახლის ახალგაზრდული სათათბიროს ორგანიზებით, სკეიტ-პარკში ბოლო ზარის გამოსაშვები საღამოსადმი მიძღვნილი ღონისძიება გაიმართა, რომელიც მუსიკალურად ბენდმა "LOUDspeakers" გააფორმა.
საქართველოს მუნიციპალური განვითარების ფონდი რუხში, ახალი, 100 ბავშვზე გათვლილი ბაგა-ბაღის მშენებლობას იწყებს.
ქალთა ფონდი „სოხუმის“ თბილისის ოფისის წარმომადგენელმა - ეკატერინე გამახარიამ მონაწილეობა მიიღო WAVE ქსელის მიერ ორგანიზებულ სამუშაო შეხვედრაში ვენაში ეუთოს მიერ დაფინანსებული ახალი პროექტის დასაწყებად კონფლიქტურ და პოსტკონფლიქტურ ზონებში ძალადობის მსხვერპლი ქალების მხარდასაჭერად.
კორონავირუსი
10 - დან 16 მაისის ჩათვლით, აფხაზეთის დე ფაქტო რესპუბლიკაში კორონავირუსით ინფიცირების 5 ახალი შემთხვევა აღირიცხა.
საქართველოში კორონავირუსით ინფიცირების 602 ახალი შემთხვევა დაფიქსირდა, 9 მაისიდან 15 მაისის ჩათვლით, გარდაიცვალა კიდევ 1 პაციენტი, - ამის შესახებ ინფორმაციას დაავადებათა კონტროლის ეროვნული ცენტრი ავრცელებს.
დე ფაქტო რესპუბლიკის ოპერატიული შტაბის ინფორმაციით, 2 მაისიდან 9 მაისის ჩათვლით აფხაზეთში კორონავირუსით ინფიცირების 15 ახალი შემთხვევა გამოვლინდა.
საზოგადოება

დღეიდან, პირბადეების გამოყენება სავალდებულო იქნება მხოლოდ სამედიცინო დაწესებულებებსა და საზოგადოებრივ ტრანსპორტში, – ამის შესახებ საქართველოს პრემიერ-მინისტრმა, ირაკლი ღარიბაშვილმა მთავრობის სხდომაზე განაცხადა.

29 აპრილს დღის ბოლოდან 3 მაისამდე აღმოსავლეთ საქართველოში, ხოლო 1-2 მაისს დასავლეთ საქართველოში მოსალოდნელია დროგამოშვებით ხანმოკლე წვიმა და ელჭექი, ზოგან ძლიერი.
სკოლებში პირველ კლასში რეგისტრაციისა და სკოლაში ჩასარიცხად აუცილებელი დოკუმენტების წარდგენის ვადები შეიცვალა.
დილის ჩართვა
მთავარი საინფორმაციო გამოშვება
არქივი
ამინდი
ზუგდიდი 12 °C
img
სოხუმი 12 °C
img
ფოთი 13 °C
img
მესტია 5 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.