ახალი ამბები
"აიცერი, ვაქცინა გვიცავს!" - ონლაინ შეხვედრა ზუგდიდში (ვიდეო)
ზუგდიდის სამოქალაქო სექტორის ორგანიზებით ონლაინ შეხვედრა გაიმართა, რომელშიც სხვადასხვა სფეროს წარმომადგენლებმა კორონავირუსის საწინააღმდეგო ვაქცინაციის მნიშვნელობაზე ისაუბრეს.

შეხვედრის მიმდინარეობისას დაავადებათა კონტროლის ეროვნული ცენტრის სამეგრელო-ზემო სვანეთის ხელმძღვანელმა ანზორ ქობალიამ მონაწილებს ​კორონავირუსის გავრცელების სტატისტიკა გააცნო. მისი თქმით, პანდემიის დაწყებიდან დღემდე რეგიონის მასშტაბით არსებულ 54 სამედიცინო დაწესებულებაში ნახევარ მილიონზე მეტი ტესტირება ჩატარდა, ჯამში კი ვირუსი 37 012 პირს დაუდგინდა. მისივე ინფორმაციით, ამ ეტაპზე სამეგრელო-ზემო სვანეთში 3 405 აქტიური შემთხვევა ფიქსირდება, საიდანაც 443 ინფიცირებული კოვიდკლინიკებში მკურნალობს. გარდა ამისა, ქობალიას თქმით, ივლისში Covid 19-ს რეგიონში 22, ხოლო აგვისტოში 61 ადამიანი ემსხვერპლა.



დეკანოზი ილარიონ შენგელია მიიჩნევს, რომ ვაქცინაციის საკითხთან დაკავშირებით ყველამ, მათ შორის, სასულიერო პირებმა დეზინფორმაციისგან თავი უნდა შეიკავოს. 

"ადამიანის ჯანმრთელობა, არის ძალიან მნიშვნელოვანი. ყველაზე დიდი ღირებულება ჩვენთვის არის უფალი და ადამიანი. არანაირი ტრადიცია, არანაირი წესი, ამ ღირებულებაზე მაღლა არ უნდა დავაყენოთ. სამწუხაროდ, ჩვენს დამახინჯებულ ტრადიციებს ვწირავთ ადამიანებს, ამდენი ქელეხი, სუფრა, შეკრება დღევანდელ სიტუაციაში არის დანაშაული, მიუღებელი არის. დამახინჯებულად გვესმის ქრისტიანობა. ზოგიერთი ამბობს, რომ ვაქცინაცია არის თავისუფალი ნება, შეუძლია გაიკეთოს, ან გაიკეთოს აცრა, მაგრამ ისიც უნდა გვახსოვდეს, რომ ჩვენი თავისუფლება მთავრდება, მაშინ როდესაც სხვას ვაზიანებთ, ვიღაცის ჯანმრთელობას, ან სიცოცხლეს საფრთხეს ვუქმნით. ჩემი მოწოდებით, ჩემი სიტყვით, ვიღაცამ ვაქცინა რომ არ გაიკეთოს და მისი ცხოვრება დამთავრდეს ფატალურად, ეს იქნება ძალიან დიდი ცოდვა ჩემთვის, მე ღვთის წინაშე ეს მომეთხოვება. ფრთხილად უნდა ვიყოთ", - აღნიშნა მამა ილარიონმა. 

ექიმებმა მალხაზ ჯალაღონიამ და ანა ქავთარაძემ ვაქცინაციასთან დაკავშირებულ აქტუალურ კითხვებს უპასუხეს და იმუნიზაციის დროულად ჩატარების მნიშვნელობაზე ისაუბრეს. 

"საინფორმაციო კამპანია, ფაქტობრივად, არ ჩატარებულა ქვეყანაში. როგორც წესი, ყოველთვის, როცა ახალი ვაქცინა შემოდის ქვეყანაში მას წინ აუცილებლად უნდა უძღოდეს საინფორმაციო კამპანია, რომელიც როგორც სამედიცინო სფეროს წარმომადგენლებს, ისე მოქალაქეებს გააცნობს ვაქცინის მნიშვნელობას, ინფორმაციას შემადგენლობის, ეფექტის შესახებ, რომელიც უნდა მოგვიტანოს მან საბოლოო ჯამში. სამწუხაროდ, ინფორმაციის დეფიციტი ძალიან დიდი არის", - თქვა ექიმ-რეანიმატოლოგმა ანა ქავთარაძემ. 

შეხვედრა კამპანიის "აირეცი, ვაქცინა გვიცავს" ფარგლებში, "დემოკრატიული ჩართულობის ცენტრების ქსელის" მხარდაჭერით გაიმართა.
Print Email
FaceBook Twitter
რ ე კ ლ ა მ ა
ზუგდიდის მუნიციპალიტეტის მერიის, მოსწავლე ახალგაზრდობის სასახლის ახალგაზრდული სათათბიროს ორგანიზებით, სკეიტ-პარკში ბოლო ზარის გამოსაშვები საღამოსადმი მიძღვნილი ღონისძიება გაიმართა, რომელიც მუსიკალურად ბენდმა "LOUDspeakers" გააფორმა.
საქართველოს მუნიციპალური განვითარების ფონდი რუხში, ახალი, 100 ბავშვზე გათვლილი ბაგა-ბაღის მშენებლობას იწყებს.
ქალთა ფონდი „სოხუმის“ თბილისის ოფისის წარმომადგენელმა - ეკატერინე გამახარიამ მონაწილეობა მიიღო WAVE ქსელის მიერ ორგანიზებულ სამუშაო შეხვედრაში ვენაში ეუთოს მიერ დაფინანსებული ახალი პროექტის დასაწყებად კონფლიქტურ და პოსტკონფლიქტურ ზონებში ძალადობის მსხვერპლი ქალების მხარდასაჭერად.
კორონავირუსი
10 - დან 16 მაისის ჩათვლით, აფხაზეთის დე ფაქტო რესპუბლიკაში კორონავირუსით ინფიცირების 5 ახალი შემთხვევა აღირიცხა.
საქართველოში კორონავირუსით ინფიცირების 602 ახალი შემთხვევა დაფიქსირდა, 9 მაისიდან 15 მაისის ჩათვლით, გარდაიცვალა კიდევ 1 პაციენტი, - ამის შესახებ ინფორმაციას დაავადებათა კონტროლის ეროვნული ცენტრი ავრცელებს.
დე ფაქტო რესპუბლიკის ოპერატიული შტაბის ინფორმაციით, 2 მაისიდან 9 მაისის ჩათვლით აფხაზეთში კორონავირუსით ინფიცირების 15 ახალი შემთხვევა გამოვლინდა.
საზოგადოება
საქართველოს პრეზიდენტმა, სალომე ზურაბიშვილმა თავსუფლების მოედანზე, დამოუკიდებლობის დღისადმი მიძღვნილ ღონისძიებაზე სიტყვით გამოსვლისას ოკუპირებულ აფხაზეთსა და ცხინვალში მცხოვრებ მოქალაქეებს მიმართა და განაცხადა, რომ საქართველო „ომითა და ძალით“ ტერიტორიების დაბრუნებას არ აპირებს.

დღეიდან, პირბადეების გამოყენება სავალდებულო იქნება მხოლოდ სამედიცინო დაწესებულებებსა და საზოგადოებრივ ტრანსპორტში, – ამის შესახებ საქართველოს პრემიერ-მინისტრმა, ირაკლი ღარიბაშვილმა მთავრობის სხდომაზე განაცხადა.

29 აპრილს დღის ბოლოდან 3 მაისამდე აღმოსავლეთ საქართველოში, ხოლო 1-2 მაისს დასავლეთ საქართველოში მოსალოდნელია დროგამოშვებით ხანმოკლე წვიმა და ელჭექი, ზოგან ძლიერი.
დილის ჩართვა
მთავარი საინფორმაციო გამოშვება
ჩვენი თვითმმართველობა
არქივი
ამინდი
ზუგდიდი 12 °C
img
სოხუმი 15 °C
img
ფოთი 16 °C
img
მესტია 6 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.