ზუგდიდის სოფელი რიყე ერთ-ერთია იმ სოფლებიდან, რომელიც გალის რაიონს ესაზღვრება. აქ აქტიური და შრომისმოყვარე ახალგაზრდები ცხოვრობენ. მათი მთავარი მიზანი თემის გააქტიურება და თანატოლებისთვის უკეთესი გარემოს შექმნაა. ამ იდეის გარშემო დევნილი და ადგილობრივი ახალგაზრდები შეიკრიბნენ და გაერთიანება -  „მთავარი თაობა“ დააფუძნეს. ისინი თვლიან, რომ მათი თაობა თემის განვითარებასა და კონფლიქტის მოგვარებაში მთავარ სათქმელს იტყვის.