დღეს, როცა დრო ყველაზე ძვირფასი რესურსია, სამზარეულოშიც ისეთ ტექნიკას ვეძებთ, რომელიც ცხოვრებას გაგვიმარტივებს. სწორედ ამიტომ გახდა აეროგრილი ყოველდღიური სამზარეულოს ერთ-ერთი ყველაზე პოპულარული მოწყობილობა.
აეროგრილი საშუალებას გაძლევს სწრაფად და მარტივად მოამზადო საყვარელი კერძები, ნაკლები ცხიმით და ზედმეტი ძალისხმევის გარეშე. მაგრამ როგორ უნდა შეარჩიო ისეთი აეროგრილი, რომელიც ნამდვილად გამოგადგება ყოველდღიურად? ამ სტატიაში რამდენიმე მნიშვნელოვან რჩევას გაგიზიარებ.

განსაზღვრე, რამდენად ხშირად და რას მოამზადებ
აეროგრილის შერჩევამდე დაფიქრდი, როგორ აპირებ მის გამოყენებას.
თუ ყოველდღიურად ამზადებ საუზმეს, სადილს ან მსუბუქ ვახშამს, დაგჭირდება უფრო პრაქტიკული და უნივერსალური მოდელი. ხოლო თუ მხოლოდ სწრაფი წასახემსებლებისთვის გინდა - შედარებით მცირე შესაძლებლობებიც საკმარისი იქნება. დაფიქრდი, რისთვის გჭირდება აეროგრილი:

• ამზადებ თუ არა ხორცს, ბოსტნეულს, ნახევარფაბრიკატებს>
• გჭირდება გამოცხობის ფუნქცია?
• რამდენი ადამიანისათვის ამზადებ ყოველდღიურად?

აირჩიე სწორი ტევადობა
აეროგრილის ტევადობა ერთ-ერთი ყველაზე მნიშვნელოვანი კრიტერიუმია. პატარა მოდელში, შეიძლება, საკმარისი რაოდენობის კერძი ვერ მოამზადო, ხოლო ზედმეტად დიდი - უბრალოდ, ადგილს იკავებდეს.
ზოგადი რეკომენდაცია ასეთია:

• 1–2 ადამიანისთვის - მცირე ტევადობა
• 3–4 ადამიანისთვის - საშუალო ზომის აეროგრილი
• ოჯახისთვის - დიდი ტევადობის მოდელი

თუ აეროგრილის ყოველდღიურად გამოყენება გინდა, სჯობს ოდნავ უფრო დიდი აირჩიო, რათა ერთ ჯერზე მეტი საკვების მომზადება შეძლო.

აეროგრილის სიმძლავრე და მომზადების დრო
ყოველდღიურ რეჟიმში აეროგრილი უნდა იყოს სწრაფი და ეფექტური. რაც უფრო მაღალია სიმძლავრე, მით ნაკლები დრო სჭირდება კერძის მომზადებას. თუმცა, ზედმეტად ძლიერი მოდელი ყოველთვის აუცილებელი არ არის, მთავარია, ბალანსი სიჩქარესა და ენერგოეფექტურობას შორის.

მართვა და პროგრამები - კომფორტი ყოველდღიურობაში
თუ აეროგრილს ყოველდღე იყენებ, მისი მართვა მაქსიმალურად მარტივი უნდა იყოს. წინასწარ დაყენებული პროგრამები მნიშვნელოვნად გიზოგავს დროს და გაძლევს სტაბილურ შედეგს. თანამედროვე აეროგრილებს აქვს:

• ავტომატური პროგრამები სხვადასხვა კერძისთვის
• ტემპერატურის ხელით რეგულირების შესაძლებლობა
• ტაიმერი და ავტომატური გამორთვა
• ადვილად წასაკითხი ეკრანი

ყოველდღიური ტექნიკა უნდა იყოს მარტივად მოსავლელი. შეამოწმე, შესაძლებელია თუ არა კალათისა და დეტალების მარტივად მოხსნა და გარეცხვა. ეს განსაკუთრებით მნიშვნელოვანია, თუ არ გინდა, ყოველი გამოყენების შემდეგ, ბევრი დრო დახარჯო წმენდაზე.
და ბოლოს, არანაკლებ მნიშვნელოვანია, აეროგრილი როგორ ჯდება შენს სამზარეულოში. გამომდინარე იქიდან, რომ ეს მოწყობილობა ყოველდღიურად უნდა გამოიყენო მისი ზომა და დიზაინი უნდა იყოს პრაქტიკული და სასიამოვნო.
სწორად შერჩეული აეროგრილი შენი ყოველდღიური სამზარეულოს ნამდვილ დამხმარედ იქცევა. როცა არჩევანს აკეთებ, იფიქრე შენს ჩვევებზე, საჭიროებებზე და კომფორტზე. ასე აირჩევ მოწყობილობას, რომელიც არა მხოლოდ მოდური ტრენდი იქნება, არამედ, რეალურად გაგიმარტივებს ყოველდღიურ ცხოვრებას.