დაკავებულების ოჯახის წევრები ხელისუფლებასა და საერთაშორისო ორგანიზაციებს დახმარებას სთხოვენ. ახლობლების ინფორმაციით, ერთ-ერთი დაკავებული ლევან ბუღაშვილი ოჯახს დღეს პირველად დაუკავშირდა და იმ მდგომარეობის შესახებ უამბო, რომელშიც წინასწარი დაკავების იზოლატორში იმყოფება. როგორც ოჯახის წევრები ამბობენ, პატიმრები მძიმე პირობებში არიან, არ აქვთ საკვები და არ ეძლევათ ადვოკატის აყვანის უფლება. სოფელ საწულუკიძეოს მცხოვრებნი ლევან ბუღაშვილი და ზაალ შვანგირაძე გალის რაიონში თხილის საკრეფად იმყოფებოდნენ, როდესაც ისინი რუსმა სამხედროებმა დააკავეს. ოჯახმა მათი დაკავების შესახებ ინფორმაცია მხოლოდ 6 დღის შემდეგ მიიღო.