ზუგდიდში საქალაქთაშორისო ავტობუსების და მიკროავტობუსების მძღოლები "მეტრო +"  ოფისთან არიან შეკრებილები და საერთაშორისო კომპანიის მიერ რეისების განახლებას აპროტესტებენ. ადგილზე სამართალდამცავები არიან მობილიზებულები.

"დილიდან აქ ვართ და ვიცავთ ჩვენს ლუკმა პურს, არ დავუშვებთ ვინმემ წაგვართვას საარსებო წყარო ", - აცხადებენ მძღოლები.

კომპანია " მეტრო +" ქალაქში შემოსვლას , ზუგდიდი - თბილისის და სხვა საქალაქთაშორისო ავტობუსების მძღოლების აქციები მოჰყვა, რის შედეგად კომპანიამ ფუნქციონირება მალევე შეწყვიტა.