რეგიონი
გალში ინციდენტების პრევენციისა და მათზე რეაგირების მექანიზმის შეხვედრა მიმდინარეობს
11:37 / 27.05.2016
27 მაისს, ქართული მხარის მოთხოვნით, 2012 წლის შემდეგ პირველად,
გალში ინციდენტების პრევენციისა და მათზე რეაგირების მექანიზმის
(IPRM) საგანგებო შეხვედრა დაიწყო.
ქართული მხარის წარმომადგენლებმა ენგურის ხიდი კომენტარის გარეშე გადაკვეთეს. ქართული დელეგაციის შემადგენლობაშია სახელმწიფო უსაფრთხოების სამსახურის ანალიტიკური დეპარტამენტის ხელმძღვანელი ირაკლი ბერაია და შერიგებისა და სამოქალაქო თანასწორობის საკითხებში სამინისტროს წარმომადგენელი. მათთან ერთად გაეროსა და ევროკავშირის მისიის წარმომადგენლები იმყოფებიან.
საქართველოს საგარეო საქმეთა სამინისტროს ინფორმაციით, შეხვედრის ფარგლებში ქართული მხარე დააყენებს ზუგდიდის რაიონის სოფელ ხურჩაში საოკუპაციო ხაზზე განლაგებული ე.წ. „მესაზღვრეების“ მიერ საქართველოს მოქალაქის მკვლელობის საკითხს. „აღნიშნულმა ფაქტმა კიდევ ერთხელ ცხადყო აფხაზეთში უსაფრთხოების კუთხით არსებული მძიმე მდგომარეობა და ოკუპირებულ რეგიონებში უსაფრთხოების საერთაშორისო მექანიზმების შექმნის აუცილებლობა“,-ნათქვამია სამინისტროს ინფორმაციაში.
ამასთან, 24 მაისს ჟენევის საერთაშორისო მოლაპარაკებებში საქართველოს დელეგაციის ხელმძღვანელი დავით დონდუა თავის რუს კოლეგას, გრიგორი კარასინს, ტელეფონით დაუკავშირდა და განიხილა გალში ინციდენტების პრევენციისა და მათზე რეაგირების მექანიზმის შეხვედრის დაუყოვნებლივ ჩატარების საკითხი.
ქართული მხარის წარმომადგენლებმა ენგურის ხიდი კომენტარის გარეშე გადაკვეთეს. ქართული დელეგაციის შემადგენლობაშია სახელმწიფო უსაფრთხოების სამსახურის ანალიტიკური დეპარტამენტის ხელმძღვანელი ირაკლი ბერაია და შერიგებისა და სამოქალაქო თანასწორობის საკითხებში სამინისტროს წარმომადგენელი. მათთან ერთად გაეროსა და ევროკავშირის მისიის წარმომადგენლები იმყოფებიან.
საქართველოს საგარეო საქმეთა სამინისტროს ინფორმაციით, შეხვედრის ფარგლებში ქართული მხარე დააყენებს ზუგდიდის რაიონის სოფელ ხურჩაში საოკუპაციო ხაზზე განლაგებული ე.წ. „მესაზღვრეების“ მიერ საქართველოს მოქალაქის მკვლელობის საკითხს. „აღნიშნულმა ფაქტმა კიდევ ერთხელ ცხადყო აფხაზეთში უსაფრთხოების კუთხით არსებული მძიმე მდგომარეობა და ოკუპირებულ რეგიონებში უსაფრთხოების საერთაშორისო მექანიზმების შექმნის აუცილებლობა“,-ნათქვამია სამინისტროს ინფორმაციაში.
ამასთან, 24 მაისს ჟენევის საერთაშორისო მოლაპარაკებებში საქართველოს დელეგაციის ხელმძღვანელი დავით დონდუა თავის რუს კოლეგას, გრიგორი კარასინს, ტელეფონით დაუკავშირდა და განიხილა გალში ინციდენტების პრევენციისა და მათზე რეაგირების მექანიზმის შეხვედრის დაუყოვნებლივ ჩატარების საკითხი.
მასალის გამოყენების პირობები