„საერთაშორისო გამჭვირვალობა - საქართველოს“ იურისტის, ლელა მოწონელიძის წარმომადგენლობით, ზუგდიდის რაიონულმა სასამართლომ 2016 წლის 30 სექტემბერს იამზე ჭანიას ადმინისტრაციული სარჩელი დააკმაყოფილა და მიწის ნაკვეთის სახელმწიფოს სახელზე პირველადი რეგისტრაცია გააუქმა. მეორე მოქალაქეს, ლაშა ყორშიასაც სასამართლოში მოწონელიძე წარმოადგენდა. 2016 წლის 30 სექტემბერს, ზუგდიდის რაიონული სასამართლოს გადაწყვეტილებით, ბათილად ცნეს ეკონომიკის სამინისტროს მიმართვა და მის საფუძველზე სახელმწიფოს სახელზე მიწის ნაკვეთის რეგისტრაციის შესახებ გადაწყვეტილება.

ლაშა ყორშიამ და იამზე ჭანიამ ანაკლიაში მიწის ნაკვეთები იყიდეს. რამდენიმე წელიწადში, აღმოჩნდა, რომ აღნიშნული ნაკვეთები საჯარო რეესტრს სახელმწიფოს საკუთრებად ჰქონდა დარეგისტრირებული.