რომანის ,,მისიონერი’’ პრეზენტაცია ზუგდიდში (ვიდეო)
16:42 / 03.11.2016
ქალაქ ზუგდიდის მუნიციპალიტეტის ცენტრალურ ბიბლიოთეკაში მწერალმა
როსტომ ჩხეიძემ თავისი ახალი ბიოგრაფიული
რომანი
„მისიონერი” მკითხველს წარუდგინა. მწერლის თქმით, შეუძლებელია,
დოდაშვილის პიროვნება და მისი ღვაწლი
ქართველმა მკითხველმა არ იცოდეს.
„მასზე ბიოგრაფიული რომანი უნდა დაწერილიყო რათა, უფრო გამოკვეთილიყო
მისი პიროვნება“, - აღნიშნა მან.
"სოლომონ დოდაშვილი იყო ილიამდელი ილია" - ასე ახასიათებს მას რომანის
ავტორი და ამბობს, რომ მაშინდელ საქართველოში იგი კულტურულ,
საზოგადოებრივ და პოლიტიკურ ცხოვრებას განსაზღვრავდა, ამასთან, იყო
ჟურნალისტი.
„თავის დროზევე ამბობდნენ, რომ ვერ იქნებოდა ნიკოლოზ ბარათაშვილი რომ
არა სოლომონი, ასევე ვერ იქნებოდა ილია და მისი თაობა“,-განაცხადა
ჩხეიძემ.
მწერალთან შეხვედრა ბიბლიოთეკასთან ერთად ფილოლოგმა
ნესტან ფიფიამ მოაწყო. რომანის პრეზენტაცია
პირველად დღეს ზუგდიდში გაიმართა.
მასალის გამოყენების პირობები