ხობის ძველ კულტურის სახლს სრული რეაბილიტაცია უტარდება. იცვლება სცენა, შიდა და გარე ინტერიერი, ეწყობა მთავარი დარბაზი, საგრიმიორო, სარეპეტიციო ოთახები, განათების, გათბობის, წყლის და უსაფრთხოების სისტემები. შენობის სარეაბილიტაციო სამუშაოები სამეგრელო-ზემო სვანეთის გუბერნატორმა ლევან შონიამ და ხობის გამგებელმა გოჩა ქაჯაიამ დაათვალიერეს.

ხობის კულტურის ცენტრის რეაბილიტაცია საქართველოს რეგიონებში განსახორციელებელი პროექტების ფონდიდან ფინანსდება. პროექტის ღირებულება 849 849 ლარია.