ზუგდიდში, კულტურის ცენტრ "ოდიშის" საკონცერტო დარბაზში, პოეტ ეკა ზარანდიას მხარდასაჭერი საქველმოქმედო აქცია-კონცერტი გაიმართა.

საღამოში მონაწილეობდნენ: ფოლკ-ბენდი "ლაკადა", გიორგი ნაკაშიძე, თამარ ჯგუშია, ჯანი იზორია, ლიზა და ლიკა მებონიები, ანი ტაბაღუა, ანსამბლი "ოდოია" და სხვა. 

"მიუხედავად ნეგატიური დამოკიდებულებისა, რაც ზოგადად ახლავს ამ დაავადებას - მე ბედნიერი ვარ...მეუბნებიან, წერენ, რომ ეს დავიმსახურე, არავითარ შემთხვევაში, ეს ამ ხალხმა გააკეთა, ეს ხალხის დამსახურებაა", - თქვა ეკა ზარანდიამ.

ღონისძიების პარალელურად ორგანიზატორებმა შემოწირული ნივთების გამოფენა-გაყიდვა მოაწყვეს. საქველმოქმედო საღამოდან შემოსული თანხა მთლიანად ეკა ზარანდიას მკურნალობის ხარჯებს მოხმარდება.