ცნობილი ბრიტანელი პოპ ვარსკვლავი ჯორჯ მაიკლი საკუთარ სახლში გარდაიცვალა. მიზეზი უცნობია. პოლიციის განცხადებით, მუსიკოსი საეჭვო ვითარებაში არ გარდაცვლილა. ოჯახი ჯერჯერობით კომენტარს არ აკეთებს.

გავრცელებული ინფორმაციით, მომღერალს გულის პრობლემები ჰქონდა.

ჯორჯ მაიკლი ცნობილი გასული საუკუნის 1980-იან წლებში ბენდ Wham-ით გახდა. არანაკლებ პოპულარული იყო მისი სოლო კარიერა.