ფოთში სანაპირო ზოლზე თანამედროვე სტანდარტების ბულვარის მოწყობა მარტის ბოლოს დასრულდება. ფოთის მუნიციპალიტეტის მერიის მშენებლობის სამსახურის უფროსის ზურაბ ჯამბურიას ცნობით, სამუშაოები დასკვნით ეტაპზეა.

მისივე ინფორმაციით, ტერიტორიაზე მოწყობილია ყველანაირი ინფრასტრუქტურა: გასახდელები, საშხაპეები, განათების სისტემა და კაფე-ბარები. მალთაყვაში ბულვარის სიგრძე 2 კილომეტრი და 700 მეტრი იქნება.

ტენდერი, რომლის ღირებულება 4 მილიონ 180 ათასი ლარია, აზერბაიჯანულმა კომპანია „პირამიდა FR-მა" მოიგო.