26 თებერვალს მარტვილში მურთაზ ხურცილავას სახელობის სტადიონზე საქართველოს სუპერთასის მატჩი გაიმართა. ერთმანეთს ჩვენი ქვეყნის მოქმედი ჩემპიონი „სამტრედია“ და დავით ყიფიანის სახელობის საქართველოს თასის მფლობელი ქუთაისის „ტორპედო“ დაუპირისპირდნენ. შეხვედრა "სამტრედიის'' გამარჯვებით, ანგარიშით 2:1 დასრულდა.

პირველ ტაიმში ანგარიშის გახსნა ტორპედოელებმა მე-17 წუთზე შეძლეს, სამტრედიელებმა კი გათანაბრება 28-ე წუთზე მოახერხეს. ტორპედოელებმა მეორე ბურთი გაიტანეს, თუმცა მსაჯმა გოლი არ ჩათვალა.

მეორე ტაიმში 58-ე წუთზე კი გოლი სამტრედიელებმა გაიტანეს. გიორგი ბერიაშვილის გოლი გადამწყვეტი აღმოჩნდა და  გია ცეცაძის გუნდი სუპერთასის მფლობელი გახდა.

აღსანიშნავია, რომ "სამტრედიამ" პირველად მოიპოვა სუპერთასი.