ბიუროს გახსნაზე ქვარაიას კითხვები თვითმმართველობის რეფორმაზეც დაუსვეს (ვიდეო)
15:24 / 21.04.2017
ქალაქ ზუგდიდის მაჟორიტარმა დეპუტატმა ბიუროს გახსნაზე შეხვედრის
მონაწილეების შეკითხვებს უპასუხა.
მერაბ ქვარაიას საზოგადოება „ზუგდიდელის“ წევრმა ვაჟა ფიფიამ
კითხვა სხვადასხვა საკითხთან ერთად თვითმმართველობის მოსალოდნელ
რეფორმაზეც დაუსვა. აქვე მან ზუგდიდელების პოზიციაც დააფიქსირა და
აღნიშნა, რომ ისინი თვითმმართველი ქალაქის სტატუსის შენარჩუნებას
მოითხოვენ.
ენმ-ის წევრის ანი წითლიძის კითხვაზე, როგორ აფასებს ხელისუფლების
მოსალოდნელ ნაბიჯს, მერაბ ქვარაიამ უპასუხა, რომ ზუგდიდელებს შიშის
საფუძველი არ აქვთ, რადგან ნებისმიერი ინიციატივა, რომელსაც
ხელისუფლება წარმოადგენს, თვითმმართველობის გაძლიერებისკენ იქნება
მიმართული.
„მე, უმრავლესობასთან ერთად, ვიყავი ვარ და ვიქნები იმ კურსის
მომხრე, რომ იყოს ქვეყანაში მაღალი დონის თვითმმართველობა, რეგიონული
განვითარების უფრო მეტი შესაძლებლობა. ყველა ცვლილება, რომელსაც
ხელისუფლება განახორციელებს, იქნება სწორედ ამისკენ მიმართული და
რაიმე ტიპის თავს მოხვეული გადაწყვტილებები გამორიცხულია“, -
განმარტა ქვარაიამ.
მისივე თქმით, მას შემდეგ, რაც აღნიშნულ საკითხთან დაკავშირებით
კანონპროექტი პარლმანეტში შევა, კანონმდებლები ადგილობრივი
თვითმმართველობების წარმომადგენლებთან და საზოგადოების სხვა წევრებთან
მოსალოდნელი ცვლილებების შესახებ კონსულტაციებს გამართავენ და
გადაწყვეტილებას დეტალური განხილვის შემდეგ მიიღებენ.
ცნობისთვის, მთავრობა თვითმმართველობის რეფორმაზე მუშაობს, რომლის
მიხედვითაც 7 თვითთმმართველ ქალაქს სტატუსი გაუქმდება. ბოლოს
თვითმმართველობის რეფორმა ქვეყანაში 2017 წელს განხორციელდა, რომლის
ფარგლებში მუნიციპალიტეტები გაიყო და ახალი თვითმმართველი ქალაქები
შეიქმნა.
მასალის გამოყენების პირობები