ზუგდიდის არტ-გალერეაში ამერიკული დღეების ფარგლებში გამოფენა მოეწყო (ვიდეო)
20:02 / 27.04.2017
ამერიკული დღეების ფარგლებში ზუგდიდის სამხატვრო გალერეაში
საინფორმაციო გამოფენა მოეწყო. ღონისძიებაზე
სხვადასხვა არასამთავრობო ორგანიზაციამ აშშ-ის საელჩოს მიერ
დაფინანსებული პროგრამები წარადგინა.
გამოფენილი იყო საელჩოს და აშშ-ის საერთაშორისო განვითარების სააგენტო
USAID -ის, სანდიეგოს უნივერსიტეტისა და მილენიუმის გამოწვევის
კორპორაციის პროგრამები.
"ძალიან კარგი მაგალითია მსგავსი ღონისძიებები იმის საჩვენებლად, თუ
სინამდვილეში როგორია თანამშრომლობა აშშ-სა და საქართველოს შორის", -
განაცხადა საკონსულოს წარმომადგენელმა ჯეიმს ვოთერმენმა.
გამოფენაში ასოციაცია ,,ათინათმაც" მიიღო
მონაწილეობა. დამთვალიერებელს შესაძლებლობა ჰქონდა ენახა USAID -ის
მიერ დაფინანსებული პროექტების პრეზენტაცია. "ეს პროგრამებია -
"მომავლის თაობა", ახალგაზრდების ჩართულობა და განვითარება", ასევე,
"ტოლერანტობისა და სამოქალაქო ცნობიერებისა და ინტეგრაციის პროგრამა".
დღევანდელ ღონისძიებაში რადიო "ათინათთან" ერთად ვმონაწილეობთ", -
აღნიშნა ახალგაზრული კლუბების კოორდინატორმა სალომე ჟვანიამ.
ამერიკა-საქართველოს დიპლომატიური ურთიერთობების 25 წლის აღსანიშნავად
დაგეგმილი ღონისძიებების ზუგდიდში 24 აპრილს დაიწყო და 28 აპრილს
დასრულდება.
მასალის გამოყენების პირობები