ქალაქ ფოთის საპატრულო პოლიციის უფროსად მაცი ხვიტია დაინიშნა. ამის შესახებ გავრცელებულ ინფორმაციას შინაგან საქმეთა სამინისტროში ადასტურებენ. უწყების ცნობით, მინისტრმა მის დანიშვნის შესახებ ბრძანებას ხელი რამდენიმე დღის წინ მოაწერა. ხვიტია უფლება-მოვალეობის შესრულებას უკვე შეუდგა.

ცნობისათვის, ხვიტია შსს-ს სამეგრელო-ზემო სვანეთის საპატრულო პოლიციის დეპარტამენტში სხვადასხვა დროს სხვადასხვა თანმდებობას იკავებდა. იყო ზუგდიდის საპატრულო პოლიციის უფროსი, მანამდე, კი ის ფოთში ოცმეთაურად მუშაობდა.