ხობის რაიონის სოფელ ხამისკურში სამგზავრო მატარებელი,სავარაუდოდ, შუახნის ქალს დაეჯახა. არსებული ინფორმაციით, ქალი, რომელიც ლიანდაგზე გადადიოდა, ადგილზე გარდაიცვალა.

მომხდარს შს სამინისტროში ადასტურებენ. უწყების ცნობით, გამოძიება სს კოდექსის 275-ე მუხლით დაიწყო, რაც რკინიგზის უსაფრთხოების ან ექსპლუატაციის წესის დარღვევას გულისხმობს, რამაც სიცოცხლის მოსპობა გამოიწვია.

მომხდართან დაკავშირებით დამატებითი დეტალები, ჯერჯერობით, უცნობია.