შინაგან საქმეთა სამინისტრომ ხობის მუნიციპალიტეტის სოფელ პირველ მაისში ფარცვანიების სახლში მომხდარი მკვლელობის შესახებ განცხადება გაავრცელა.

„გამოძიების პირველადი ინფორმაციით, ხობის რაიონის სოფელ პირველ მაისში 1980 წელს დაბადებული გ.ფ., მისი მეზობელი - 1980 წელს დაბადებული დ.ბ. და ხელოსნად მომუშავე -1962 წელს დაბადებული ე.კ. გ.ფ.-ს საცხოვრებელ სახლში სადილობდნენ. მაღაზიიდან დაბრუნებულ გ.ფ.-ს დედას სამივე პირი გარდაცვლილი დახვდა. მათ, სავარაუდოდ, ცეცხლსასროლი იარაღიდან მიყენებული ჭრილობები აღენიშნებოდათ. პოლიციამ შემთხვევის ადგილიდან მაკაროვის სისტემის პისტოლეტი ამოიღო, რომელიც გ.ფ.-ს სახელზეა რეგისტრირებული.

აღსანიშნავია, რომ გ.ფ. ყოფილი პოლიციელია (იგი შინაგან საქმეთა სამინისტროდან 2013 წელს დაითხოვეს) და ამჟამად ერთ-ერთი კომპანიის უსაფრთხოების სამსახურის უფროსად მუშაობდა“, - აღნიშნულია უწყების მიერ გავრცელებულ ინფორმაციაში.

შს სამინისტროში მომხდარზე გამოძიება 109-ე დამამძიმებელ გარემოებაში განზრახ მკვლელობის მუხლით მიმდინარეობს. 

ამავე თემაზე:

ხობში გარდაცვლილი ერთ-ერთი მამაკაცი ყოფილი პოლიციელია