გუდაუთის რაიონის სოფელ პრიმორსკოეში 1958 წელს დაბადებული გურამ ადამია ზღვაში დაიხრჩო. ამის შესახებ დე ფაქტო აფხაზეთის საგანგებო სიტუაციების სამინისტროს პრესსამსახური ავრცელებს ინფორმაციას. შემთხვევის ადგილზე მისულმა მყვინთავებმა ცხედარი, დაახლოებით, 5 წუთში იპოვეს.

სამინისტროს პრესსამსახურის ხელმძღვანელის მიზან ლომიას თქმით, შემთხვევის შესახებ მათ თვითმხილველებმა შეატყობინეს. გურამ ადამია სოფელ პრიმორსკოეს მკვიდრი იყო.