აბაშაში დაჭრილი პოლიციელის ჯანმრთელობის მდგომარეობა სტაბილურია

11:04 / 10.12.2018

ქუთაისის რეფერალური ჰოსპიტალის სამედიცინო დირექტორის დავით ჯანაშიას ინფორმაციით, აბაშაში გუშინ დაჭრილი პოლიციელის ჯანმრთელობის მდგომარეობის გაუმჯობესება შეინიშნება. პაციენტი ოპერაციის შემდგომი ინტენსიური თერაპიის პალატაში რჩება.

აბაშის მუნიციპალიტეტის სოფელ გეზათში სამსახურეობრივი მოვალეობის შესრულებისას, საპატრულო პოლიციის თანამშრომელი ცივი იარაღით დაჭრეს.