დიზაინერმა დემნა გვასალიამ მისი ბრენდის „Vetements"-ის 2019 წლის გაზაფხული-ზაფხულის კოლექცია ინსტაგრამის გვერდზე რამდენიმე, მათ შორის, მავთულხლართების ფოტოთი დაანონსა.

„ნახეთ "Vetements”-ის გაზაფხული-ზაფხული 2019 - უყურეთ შოუს IGTV-ზე“, - წერია ფოტოს წარწერაში.

კომენტარებში დიზაინერს ქართველი მომხმარებლები მადლობას უხდიან და აღნიშნავენ, რომ მავთულხლართები რუსეთის მიერ საქართველოს ტერიტორიების ოკუპაციის სიმბოლოა.

დემნა გვასალია Balenciaga-ს შემოქმედებითი დირექტორი და VETEMENTS-ის მთავარი დიზაინერია. ის 1981 წელს სოხუმში დაიბადა.