მარტვილში რიგით ოცდამეერთე იუსტიციის სახლი მინისტრმა თეა წულუკიანმა სამეგრელო-ზემო სვანეთის გუბერნატორთან, ალექსანდრე მოწერელიასა და პარლამენტის დეპუტატთან, ოთარ დანელიასთან ერთად საზეიმოდ გახსნა.
სამეგრელო-ზემო სვანეთის სამხარეო ადმინისტრაციის ცნობით, მარტვილის ადგილობრივი მოსახლეობა სახელმწიფო და კერძო სექტორის 400-ზე მეტი სერვისის მიღებას შეძლებს. იუსტიციის სახლთან ერთად მარტვილში ქორწინების სარიტუალო სახლიც გაიხსნა.
ღონისძიების ოფიციალური ნაწილის დასრულების შემდეგ, იუსტიციის სახლის გახსნის აღსანიშნავად კონცერტი გაიმართა, გასართობი ღონისძიებები მოეწყო ბავშვებისათვის, საღამო კი - ფოიერვერკით დასრულდა.
მარტვილის იუსტიციის სახლი, ბოლო წლების განმავლობაში, აშენებული მეცხრე ფილიალია. 2013 წლიდან დღემდე გაიხსნა ზუგდიდის, ფოთის, იუსტიციის სახლები, უახლოეს პერიოდში კი, გუბერნიის ინფორმაციით, კიდევ ერთი ფილიალი, სენაკში გაიხსნება.
მასალის გამოყენების პირობები