ფოთში, ერთ- ერთი საცხოვრებელი კორპუსის ეზოში მდებარე სატრანსფორმატორო მაღალი ძაბვის ქვესადგურში, 9 წლის მოზარდს დენმა დაარტყა. ექიმების შეფასებით, ბავშვის მდგომარეობა მძიმეა. მას მიღებული აქვს მეორე-მესამე ხარისხის დამწვრობა. შემთხვევა წუხელ მოხდა. მოზარდი ჯერ სასწრაფო-სამედიცინო დახმარების ბრიგადამ ძლიერი დამწვრობით ქალაქის ჰოსპიტალში, ხოლო მოგვიანებით თბილისში გადაიყვანა.  

შემთხვევის ადგილზე იმყოფებოდნენ „,ენერგო-პრო ჯორჯიას“ წარმომადგენლები. კომპანიის მთავარი ინჟინერის ზურაბ ზალოგინის თქმით, აქ უსაფრთხოების ნორმები დაცული იყო.

მომხდართან დაკავშირებით, შსს-მ გამოძიება 118-ე მუხლით დაიწყო, რაც ჯანმრთელობის ნაკლებად მძიმე დაზიანებას გულისხმობს.