კულტურული მემკვიდრეობის დაცვის ეროვნულმა სააგენტომ წალენჯიხის მაცხოვრის ფერისცვალების სახელობის ტაძრის კედლის მხატვრობის საკონსერვაციო სამუშაოების პროექტირებაზე ტენდერი გამოაცხადა. სატენდერო დოკუმენტაციის თანახმად, დაგეგმილია საკურთხევლის, სადიაკვნის, დასავლეთი მკლავის, სამხრეთი მკლავისა და სამხრეთ - დასავლეთი მკლავთაშორისი სივრცის კედლის მხატვრობის კონსერვაცია.
შესყიდვის სავარაუდო ღირებულება 60 ათას ლარს შეადგენს.

წალენჯიხის მაცხოვრის ფერისცვალების სახელობის ტაძარში 2018 წელს ტაძრის ჩრდილოეთი მკლავისა და ჩრდილო-დასავლეთი მკლავთაშორისი სივრცის მოხატულობის საკონსერვაციო სამუშაოები განხორციელდა.

ეს სწორედ ის ტაძარია, სადაც გასული წლის ზაფხულში წმ. ნინოს მე-14 საუკუნით დათარიღებული ფრესკა აღმოაჩინეს.