საქართველოს ოკუპირებულ ტერიტორიებზე მცხოვრები სტუდენტები, სურვილის შემთხვევაში, საქართველოს უნივერსიტეტებში უფასოდ ისწავლიან. ამის შესახებ საქართველოს განათლების, მეცნიერების, კულტურისა და სპორტის მინისტრმა მიხეილ ბატიაშვილმა მთავრობის სხდომის დასრულების შემდეგ განაცხადა.

" სახელმწიფო უზრუნველყოფს ყველა იმ სტუდენტის დაფინანსებას, რომელიც ოკუპირებული ტერიტორიებიდან სურვილს გამოთქვამს ისწავლოს საქართველოს უნივერსიტეტებში. კონკრეტულად, რომელ უნივერსიტეტებში, ეს შემდგომი ეტაპის ნაწილია, მაგრამ მთავრობის დადგენილებით ყველა ამ პირს მიეცემა დაფინანსება", - აღნიშნა ბატიაშვილმა.

მისივე ინფორმაციით, მოგვიანებით გახდება ცნობილი, რომელ უნივერსიტეტებსა მიმართულებებზეა საუბარი. შესაბამისი დადგენილება მთავრობას დღეს, 17 ივნისს მიიღო.