ზუგდიდში, 1924 წლის აჯანყებისას დახვრეტილთა და რეპრესირებულთა ხსოვნისადმი მიძღვნილი მემორიალი ყვავილებით შეამკეს. დაღუპულთა ხსოვნას პატივი ადგილობრივი მთავრობის წარმომადგენლებმა, რეპრესირებულთა შთამომავლებმა და ჩოხოსნებმა მიაგეს. ამასთან, სასულიერო პირებმა დაღუპულთა სულის მოსახსენიებელი პანაშვიდი გადაიხადეს. აქვე მოეწყო დაღუპულ მამულიშვილთა ფოტოგამოფენა.

1924 წლის 6 სექტემბერს ზუგდიდში, ბოტანიკური ბაღის მიმდებარე ტერიტორიაზე 40 აჯანყებული დახვრიტეს. რეპრესირებულთა მემორიალი 2017 წლის 25 თებერვალს გაიხსნა.