რეგიონი
საერთაშორისო ორგანიზაციის “Hilfswerk International” პარტნიორმა ასოციაცია „თანხმობამ“, პროექტის „ნაბიჯ-ნაბიჯ-უკეთესი მომავლისაკენ“ ფარგლებში,
გარდა ამისა, დისკუსიის მონაწილეებმა მენტორობის კონცეფცია განიხილეს, როგორც სამეგრელოში კანონთან კონფლიქტში მყოფი პირების საზოგადოებაში ინტეგრაციის ხელშეწყობის მდგრადი ინსტრუმენტის დანერგვა.
შეხვედრის ორგანიზატორების განმარტებით, მენტორობა სხვადასხვა გამოცდილების მქონე ადამიანებს შორის ურთიერთობას, არაფორმალურ და გრძელვადიან კომუნიკაციას გულისხმობს. მისი მიზანი თითოეულ ბენეფიციარში სოციალური შესაძლებლობების გაუმჯობესების ხელშეწყობაა.
საქართველოში პროექტის მენეჯერის ნანა გოგოხიას თქმით, პროექტში მენტორები ის ადამიანები არიან, რომლებიც მოხალისეობრივად უწევენ დახმარებას კანონთან კონფლიქტში მყოფ პირს და ეხმარებიან მას, როგორც საზოგადოებაში ინტეგრაციასა და საკუთარი ინტერესების აღმოჩენაში, ისე ოჯახთან და გარშემო პირებთან ურთიერთობაში.
ღონისძიებაზე მოწვეულ სტუმრებმა მოისმინეს უშუალოდ მენტორების გამოცდილება და მოსაზრებები, თუ რატომ გადაწყვიტეს მათ ჩართულიყვნენ პროექტში და შეეცვალათ უკეთესობისკენ თავიანთი სამენტორე პირების ყოველდღიურობა.
გასული 6 წლის განმავლობაში, მენტორობის პროგრამაში საქართველოს სამ რეგიონში ( სამეგრელო, იმერეთი და შიდა ქართლი) უკვე ჩაერთო 90-ზე მეტი ადამიანი, რომლებიც მაღალი სამოქალაქო პასუხისგებლობით გამოირჩევიან.
სამეგრელოში მენტორობის პროგრამის განვითარების შესახებ სამუშაო შეხვედრა გაიმართა (ფოტო, ვიდეო) ®️
11:33 / 09.09.2019
საერთაშორისო ორგანიზაციის “Hilfswerk International” პარტნიორმა ასოციაცია „თანხმობამ“, პროექტის „ნაბიჯ-ნაბიჯ-უკეთესი მომავლისაკენ“ ფარგლებში,
განმუხურში სამუშაო შეხვედრა გამართა.
დისკუსიას ევროკავშირის, იუსტიციის სამინისტროს, ადგილობრივი თვითმმართველობის და არასამთავრობო ორგანიზაციების წარმომადგენლები დაესწრნენ. შეკრებილები პროექტის მიმდინარეობას გაეცნენ და იმსჯელეს ისეთ საკითხებზე, როგორიცაა: მენტორობის პროგრამის დანერგვის საჭიროება სამეგრელოში, მისი განხორციელებისათვის საჭირო რესურსების მოძიება და თანამშრომლობა სახელმწიფო და არასამთავრობო სექტორს შორის.
გარდა ამისა, დისკუსიის მონაწილეებმა მენტორობის კონცეფცია განიხილეს, როგორც სამეგრელოში კანონთან კონფლიქტში მყოფი პირების საზოგადოებაში ინტეგრაციის ხელშეწყობის მდგრადი ინსტრუმენტის დანერგვა.
საქართველოში პროექტის მენეჯერის ნანა გოგოხიას თქმით, პროექტში მენტორები ის ადამიანები არიან, რომლებიც მოხალისეობრივად უწევენ დახმარებას კანონთან კონფლიქტში მყოფ პირს და ეხმარებიან მას, როგორც საზოგადოებაში ინტეგრაციასა და საკუთარი ინტერესების აღმოჩენაში, ისე ოჯახთან და გარშემო პირებთან ურთიერთობაში.
„პროექტი „ნაბიჯ-ნაბიჯ უკეთესი მომავლისკენ“ უკვე სამი წელია მიმდინარეობს. დღეს სამეგრელოში იმართება პროექტის ერთ-ერთი კომპონენტის - მენტორობის პროგრამის დანერგვასთან დასავშირებული შეხვედრა, რომელშიც სხვადასხვა სახელმწიფო უწყების და არასამთავრობო სექტორის წარმომადგენლები არიან მოწვეული. მენტორობა არის მოხალისეობრივი პროგრამა და ის კანონთან კონფლიქტში მყოფი პირების საზოგადოებაში ინტეგრაციას და მათ მიმართ საზოგადოებაში არსებული სტიგმის დაძლევას ემსახურება“, - თქვა ნანა გოგოხიამ.
ასევე, შეხვედრის ფარგლებში მოეწყო მენტორობის შესახებ ფილმის ჩვენება.
პროექტი „ნაბიჯ-ნაბიჯ უკეთესი მომავლისკენ ევროკავშირისა და ავსტრიის განვითარების სააგენტოს მიერ არის დაფინანსებული და ხორციელდება სპეციალურ პენიტენციურ სამსახურთან, პრობაციის ეროვნულ სააგენტოსთან, სსიპ დანაშაულის პრევენციის ცენტრთან თანამშრომლობით. პროექტი 2017 წელს დაიწყო და 2020 წლის 1 თებერვლამდე გრძელდება.
პროექტის მეორე ეტაპის მიზანია შიდა ქართლში, სამეგრელოსა და იმერეთში მცხოვრები სრულწლოვანი პრობაციონერების, განრიდებული პირების, ყოფილი მსჯავრდებულებისა და მათი ოჯახის წევრების რესოციალიზაციის ხელშეწყობა ინტეგრირებული მიდგომის გზით.
მასალის გამოყენების პირობები