ახალი ამბები
ქეთევან ციხელაშვილი:აუცილებლად უნდა გადავდგათ ნაბიჯები დიალოგისაკენ
13:27 / 27.09.2019
შერიგებისა და სამოქალაქო თანასწორობის საკითხებში სახელმწიფო მინისტრმა ქეთევან ციხელაშვილმა, მთავრობის წევრებთან ერთად, საქართველოს ერთიანობისათვის ბრძოლაში დაღუპულ გმირთა მემორიალი გვირგვინით შეამკო.
დღეს მინდა ამ ტკივილით კიდევ ერთხელ დავფიქრდეთ იმაზე, თუ რა მოიტანა ამ ყველაფერმა - კონფლიქტმა, წლებმა, ოკუპაციამ და გავაცნობიეროთ, რომ რაც დრო გადის, მით უფრო ნათელია და საჭიროც, ურთიერთშემხვედრი ნაბიჯები გადავდგათ. აუცილებლად უნდა გადავდგათ ნაბიჯები დიალოგისაკენ, ნდობის დაბრუნებისა და თანამშრომლობისაკენ. სულ მცირე, ეს მშვიდობისათვის არის აუცილებელი და აუცილებელია ასევე იმისათვის, რომ ჩვენს შვილებს უკეთესი მომავალი ჰქონდეთ, აღარასოდეს იხილონ ის, რაც ათასობით გაუბედურებულმა ადამიანმა გაიარა“, - განაცხადა ქეთევან ციხელაშვილმა.
მოგვიანებით სახელმწიფო მინისტრმა საქართველოს ეროვნული გმირის, ჟიული შარტავას მემორიალი გვირგვინით შეამკო და მის ხსოვნას პატივი მიაგო.
„ამ დღემ უამრავი ჩვენი თანამოქალაქის ცხოვრებას წარუშლელი დაღი დაასვა. აქ არიან შვილმკვდარი დედები და დედები, რომლებიც უგზო-უკვლოდ დაკარგულ შვილებს ჯერ კიდევ ეძებენ. ათასობით ჩვენი თანამოქალაქე შეიწირა კონფლიქტმა, რომელიც არასოდეს უნდა მომხდარიყო. შეიწირა სამოქალაქო მოსახლეობა როგორც ქართულ, ისე აფხაზურ მხარეს. „დღეს ისე, როგორც არასოდეს, აშკარაა, რომ ეს ჩვენი ყველას საერთო ტრაგედია და ტკივილი იყო. სოხუმი დაეცა და აღარასოდეს გამხდარა ისეთი, როგორიც მანამდე იყო. დღეს მთლიანად აფხაზეთის რეგიონი ოკუპირებული და ხელოვნური ბარიკადებით ფაქტობრივად იზოლირებულია. იქ მცხოვრები ადამიანებისათვის მდგომარეობა მძიმეა. მოგეხსენებათ, 300 ათასამდე ადამიანია დევნილობაში, რომელმაც უმძიმესი გზა გამოიარა. ისინი საკუთარ სახლებში დაბრუნებას დღემდე ელოდებიან და მათ ამ უფლებას ვერავინ წაართმევს.
დღეს მინდა ამ ტკივილით კიდევ ერთხელ დავფიქრდეთ იმაზე, თუ რა მოიტანა ამ ყველაფერმა - კონფლიქტმა, წლებმა, ოკუპაციამ და გავაცნობიეროთ, რომ რაც დრო გადის, მით უფრო ნათელია და საჭიროც, ურთიერთშემხვედრი ნაბიჯები გადავდგათ. აუცილებლად უნდა გადავდგათ ნაბიჯები დიალოგისაკენ, ნდობის დაბრუნებისა და თანამშრომლობისაკენ. სულ მცირე, ეს მშვიდობისათვის არის აუცილებელი და აუცილებელია ასევე იმისათვის, რომ ჩვენს შვილებს უკეთესი მომავალი ჰქონდეთ, აღარასოდეს იხილონ ის, რაც ათასობით გაუბედურებულმა ადამიანმა გაიარა“, - განაცხადა ქეთევან ციხელაშვილმა.
მოგვიანებით სახელმწიფო მინისტრმა საქართველოს ეროვნული გმირის, ჟიული შარტავას მემორიალი გვირგვინით შეამკო და მის ხსოვნას პატივი მიაგო.
მასალის გამოყენების პირობები