აფხაზეთის დე ფაქტო რესპუბლიკის სავაჭრო - სამრეწველო პალატამ გერმანიის დელეგაციას უმასპინძლა, წერს „ნუჟნაია გაზეტა“.

ამავე ცნობით, შეხვედრაზე „გერმანიაში აფხაზეთის პალატის წარმომადგენლობის მუშაობის, მომავალი თანამშრომლობის, ასევე რესპუბლიკაში ინვესტიციების მოზიდვის შესაძლებლობები და პრეს - ტურების ორგანიზების საკითხები განიხილეს“.

გამოცემის ინფორმაციით, "გერმანიის დელეგაციის შემადგენლობაში ასევე შედიოდნენ სამშენებლო მასალის მწარმოებელი კომპანიის წარმომადგენელი ლუდვიგ შვეგმანი და ჟურნალისტი დევიდ ნოაკი".

ამავე თემაზე:

საგარეო საქმეთა სამინისტრო: გერმანია არ აღიარებს დე ფაქტო აფხაზეთის წარმომადგენლობებს