ახალი ამბები
ზუგდიდში მოსწავლეებს ნაადრევი ქორწინების უარყოფით შედეგებზე ესაუბრნენ (ვიდეო)
16:04 / 21.11.2019
ასოციაცია "ათინათის" სააქტო დარბაზში ახალგაზრდებს ნაადრევ ქორწინებისა და 16 წელს მიუღწეველ მოზარდების სქესობრივი კავშირის უარყოფით შედეგებზე ესაუბრნენ.
საინფორმაციო შეხვედრა ზუგდიდის რაიონულმა პროკურორმა ლევან სალიამ GLC-ის სკოლის დამამთავრებელი კლასის მოსწავლეებთან გამართა.
მან არასრულწლოვნებს ნაადრევი ქორწინების უარყოფითი ასპექტების შესახებ მიაწოდა ინფორმაცია. ამასთან, პროკურორმა მათ დანაშაულთან დაკავშირებული სისხლის სამართლის პასუხისმგებლობის ფორმებიც გააცნო. ლევან სალია მიიჩნევს, რომ მსგავსი შეხვედრების შემდეგ არასრულწლოვანთა დიდი ნაწილი უარს იტყვის ნაადრევ ქორწინებაზე.
"დღევანდელი შეხვედრის მიზანი იყო მოსწავლეებთან გვესაუბრა ადრეულ ქორწინებაზე და მასთან დაკავშირებულ პრობლემებზე. საუბარი იყო 16 წელს მიუღწეველ პირებთან სქესობრივ კავშირზე და ამაზე, როგორც დანაშაულზე, სისხლის სამართლებრივი პასუხისმგებლობის ფორმებზე. კითხვები დაისვა არასრულწლოვნების მოტაცებისა და ქორწინების იძულების შემთხვევაზეც. დარწმუნებული ვარ, რომ ამ შეხვედრის შემდეგ უმეტესობა, თუ ყველა არა, უარს იტყვის ადრეულ ქორწინებაზე და არ ურჩევს სხვა ადამიანს ადრეულ ქორწინებას. ასევე უნდა აღინიშნოს, რომ ნაადრევ ქორწინებასთან დაკავშირებით, წალენჯიხასა და ჩხოროწყუსთან შედარებით, ზუგდიდში მომართვიანობა დიდია", - აღნიშნა ლევან სალიამ.
მოსწავლეებს ნაადრევი ქორწინების უარყოფით მხარეებსა და საკუთარ გამოცდილებაზე ესაუბრა მოქალაქე მაკა წირღვავა. მისი თქმით, ის ჯერ კიდევ ადრეულ ასაკში დაოჯახების მიზნით მისთვის უცნობმა მამაკაცმა მოიტაცა. წირღვავა ამბობს, რომ ის წლების განმავლობაში ფიზიკური და ფსიქოლოგიური ძალადობის მსხვერპლი იყო.
"თოთხმეტის წლის ვიყავი, როდესაც ჩემთვის სრულიად უცნობმა ადამიანმა მომიტაცა. ვიყავი ფსიქოლოგიური და მორალური ძალადობის ქვეშ. 15 წლის ვიყავი, ბავშვი რომ გამიჩნდა. ვერ ვაცნობიერებდი, რა იყო ოჯახი. ეს არის ადრეული ქორწინების შედეგი. ასეთ დროს ჩამოუყალიბებელი ხარ, როგორც ფსიქოლოგიურად, ასევე ბიოლოგიურად. საშინელებაა ძალადობა, როგორც ფსიქოლოგიური, ასევე ფიზიკური. ხუთი წელი ვიცხოვრეთ ერთად, მეტი ვერ გავძელი და წამოვედი. თავიდან თუ მშობლები მეუბნებოდნენ, რომ მომეთმინა, უკვე თვითონაც მიხვდნენ, რომ იქ ვერ გავჩერდებოდი. სრულიად ახალგაზრდას უკვე ორი შვილი მყავდა, მიუხედავად მშობლების თანადგომისა, ვერ მოვახერხე სწავლის გაგრძელება, რადგან ჩემი მთავარი საზრუნავი შვილების აღზრდა იყო", - თქვა მან.
მაკა წირღვავამ ახალგაზრდებს ურჩია, რომ არ გადადგან დაუფიქრებელი ნაბიჯი და იმ შემთხვევაში, თუ მათზე რაიმე ფორმით ძალადობენ, მიმრთონ შესაბამის ორგანოებს.
მან არასრულწლოვნებს ნაადრევი ქორწინების უარყოფითი ასპექტების შესახებ მიაწოდა ინფორმაცია. ამასთან, პროკურორმა მათ დანაშაულთან დაკავშირებული სისხლის სამართლის პასუხისმგებლობის ფორმებიც გააცნო. ლევან სალია მიიჩნევს, რომ მსგავსი შეხვედრების შემდეგ არასრულწლოვანთა დიდი ნაწილი უარს იტყვის ნაადრევ ქორწინებაზე.
"დღევანდელი შეხვედრის მიზანი იყო მოსწავლეებთან გვესაუბრა ადრეულ ქორწინებაზე და მასთან დაკავშირებულ პრობლემებზე. საუბარი იყო 16 წელს მიუღწეველ პირებთან სქესობრივ კავშირზე და ამაზე, როგორც დანაშაულზე, სისხლის სამართლებრივი პასუხისმგებლობის ფორმებზე. კითხვები დაისვა არასრულწლოვნების მოტაცებისა და ქორწინების იძულების შემთხვევაზეც. დარწმუნებული ვარ, რომ ამ შეხვედრის შემდეგ უმეტესობა, თუ ყველა არა, უარს იტყვის ადრეულ ქორწინებაზე და არ ურჩევს სხვა ადამიანს ადრეულ ქორწინებას. ასევე უნდა აღინიშნოს, რომ ნაადრევ ქორწინებასთან დაკავშირებით, წალენჯიხასა და ჩხოროწყუსთან შედარებით, ზუგდიდში მომართვიანობა დიდია", - აღნიშნა ლევან სალიამ.
მოსწავლეებს ნაადრევი ქორწინების უარყოფით მხარეებსა და საკუთარ გამოცდილებაზე ესაუბრა მოქალაქე მაკა წირღვავა. მისი თქმით, ის ჯერ კიდევ ადრეულ ასაკში დაოჯახების მიზნით მისთვის უცნობმა მამაკაცმა მოიტაცა. წირღვავა ამბობს, რომ ის წლების განმავლობაში ფიზიკური და ფსიქოლოგიური ძალადობის მსხვერპლი იყო.
"თოთხმეტის წლის ვიყავი, როდესაც ჩემთვის სრულიად უცნობმა ადამიანმა მომიტაცა. ვიყავი ფსიქოლოგიური და მორალური ძალადობის ქვეშ. 15 წლის ვიყავი, ბავშვი რომ გამიჩნდა. ვერ ვაცნობიერებდი, რა იყო ოჯახი. ეს არის ადრეული ქორწინების შედეგი. ასეთ დროს ჩამოუყალიბებელი ხარ, როგორც ფსიქოლოგიურად, ასევე ბიოლოგიურად. საშინელებაა ძალადობა, როგორც ფსიქოლოგიური, ასევე ფიზიკური. ხუთი წელი ვიცხოვრეთ ერთად, მეტი ვერ გავძელი და წამოვედი. თავიდან თუ მშობლები მეუბნებოდნენ, რომ მომეთმინა, უკვე თვითონაც მიხვდნენ, რომ იქ ვერ გავჩერდებოდი. სრულიად ახალგაზრდას უკვე ორი შვილი მყავდა, მიუხედავად მშობლების თანადგომისა, ვერ მოვახერხე სწავლის გაგრძელება, რადგან ჩემი მთავარი საზრუნავი შვილების აღზრდა იყო", - თქვა მან.
მაკა წირღვავამ ახალგაზრდებს ურჩია, რომ არ გადადგან დაუფიქრებელი ნაბიჯი და იმ შემთხვევაში, თუ მათზე რაიმე ფორმით ძალადობენ, მიმრთონ შესაბამის ორგანოებს.
მასალის გამოყენების პირობები