სოხუმის სანაპიროზე აფხაზური დრამატული თეატრიდან კაფე "პინგვინამდე" 61 პალმას დარგავენ. ვაშინგტონიას ჯიშის პალმები, რომლებიც იტალიიდან ჩამოიტანეს, ქალაქს "მერის მოვალეობის შემსრულებელმა" კან კვარჩიამ გადასცა საჩუქრად. ლანდშაფტური ჯგუფის "აშტას" წარმომადგენლის ასიდა აგრბას თქმით, პალმის ეს სახეობა, სხვა ჯიშებთან შედარებით, ნაკლებად პრეტენზიულია და კარგად ხარობს. მისი თქმით, მცენარეებმა გაიარეს საკარანტინო და ეკოლოგიური ინსპექცია და ნიადაგიც შესაბამისად მომზადდა მათ ჩასარგავად.