ზუგდიდის ბოტანიკური ბაღისთვის ლოგოს შესაქმნელად კომისია საჯარო მოხელეებით, სამოქალაქო და კერძო სექტორის წარმომადგენლებით დაკომპლექტდა. ინფორმაციას ბაღის ადმინისტრაცია ავრცელებს. ამვე ცნობით, კომისიის შემადენლობაში არიან:


* ზუგდიდის მუნიციპალიტეტის საკრებულოს ჯანდაცვისა და სოციალურ საკითხთა კომისიიის თავმჯდომარე ოთარ ქადარია;

* ზუგდიდის მუნიციპალიტეტის მერიის განათლების, ძეგლთა დაცვის, კულტურის, სპორტის და ახალგაზრდულ საქმეთა სამსახურის ძეგლთა დაცვის განყოფილების უფროსი ლაშა ჯიქია;

* ზუგდიდის მუნიციპალიტეტის მერიის ადმინისტრაციული სამსახურის საზოგადოებასთან ურთიერთობის და პროტოკოლის განყოფილების უფროსის მოვალეობის შემსრულებელი ლორა ქობალია;

* დადიანების სასახლეთა ისტორიულ-არქიტექტურული მუზეუმი-არქეოლოგიის ფონდის მცველი მერაბ ქვაჩახია;

* სსიპ შოთა მესხიას ზუგდიდის სახელმწიფო სასწავლო უნივერსიტეტის ადმინისტრაციის ხელმძღვანელი, პროფესორი ზაალ ქორთუა;

* სამეგრელო ზემო-სვანეთის დანიშნულების ადგილის მართვის ორგანიზაცის ხელმძღვანელი (DMO ) ლევან წულაია;

* „ბოტანიკური ბაღების მართვის ცენტრი“ს მიერ მოწვეული შპს „დეტალი“-ს არქიტექტორი ეკატერინე თოდუა;

* ზუგდიდის მუნიციპალიტეტის ა ა.ი.პ „ბოტანიკური ბაღების მართვის ცენტრი“-ს დირექტორი ზვიად ქარჩავა;

კომისიის წევრებმა ლოგოს შექმნასთან დაკავშირებით პირობები უნდა შეიმუშაონ. ამის შემდეგ კონკურსი გამოცხადდება.