უკრაინის მოქალაქე, რომელსაც მესტიაში, თეთნულდზე მაშველები ორი დღის განმავლობაში ეძებდნენ, გარდაცვლილი იპოვეს. ის ზვავში მოჰყვა. ამის შესახებ რადიო "ათინათს" თეთნულდის სამაშველო სამსახურის ხელმძღვანელმა ლევან ქურდიანმა უთხრა.

„ორდღიანი სამაშველო-სამძებრო ღონისძიებების შემდეგ ვიპოვეთ. როგორც გვეუბნებოდნენ, რომ ის ზვავში მოჰყვა, მართალი აღმოჩნდა. მისი ცხედარი თოვლის საფარის ქვეშ ვიპოვეთ“, - ამბობს ქურდიანი.

გუშინ თეთნულდზე ჩამოწოლილი ზვავის ქვეშ კიდევ ერთი ტურისტი მოჰყვა, თუმცა მაშველებმა მისი ამოყვანა უვნებლად შეძლეს.


ამავე თემაზე:

თეთნულდზე ტურისტს ეძებენ

თეთნულდზე ჩამოწოლილ ზვავში ტურისტი მოჰყვა