აფხაზეთის დე ფაქტო რესპუბლიკის პრეზიდენტმა ასლან ბჟანიამ დღეს "თავდაცვის ახალი მინისტრი" ვლადიმირ ანუა წარუდგინა პირად შემადგენლობას. ინფორმაციას "აბხაზია ინფორმი" ავრცელებს.

აღნიშნულ პოსტზე მისი დანიშვნის შესახებ ბრძანებას ასლან ბჟანიამ 1 ივნისს მოაწერა ხელი. მანამდე, 1995 წლიდან, ანუა აფხაზეთის დე ფაქტო რესპუბლიკის "თავდაცვის მინისტრის მოადგილის, მთავარი სამხედრო ინსპექტორის თანამდებობას იკავებდა.  გამოცემის ცნობით, "1992-1993 წლებში, აფხაზეთის ომის დროს, ვლადიმირ ანუა იყო პირველი პოლკის მეთაური, შტაბის უფროსი".

მანამდე, 2007 წლიდან აღნიშნულ თანამდებობას მერაბ ქიშმარია იკავებდა. ეს უკანასკნელი დღესვე "თავდაცვის მინისტრის უფროს სამხედრო მრჩევლად" დაინიშნა.