28 ივლისის მონაცემებით, აფხაზეთში კორონავირუსით ინფიცირების კიდევ 6 შემთხვევა დაფიქსირდა, მიმდინარეობს მათი კონტაქტების დადგენა. ინფორმაციას ოპერატიული შტაბი ავრცელებს.  ამ დროისათვის გუდაუთის საავადმყოფოში 9 კოვიდ დადასტურებული პაციენტი მკურნალობს, 7 კი სახლში, თვითიზოლაციაში რჩება.

პანდემიის დაწყებიდან დღემდე სოხუმმა Covid - 19 - ით ინფიცირების 63 შემთხვევა დაადასტურა, 2 პაციენტი გარდაიცვალა, გამოჯანმრთელებულია - 37 ადამიანი.

ეპიდსიტუაციიდან გამომდინარე, საკოორდინაციო შტაბის გადაწყვეტილებით, "აფხაზეთ - რუსეთის საზღვრის კვეთაზე შეზღუდვა" 4 აგვისტომდე გახანგრძლივდა. შესაბამის ბრძანებას ასლან ბჟანიამ მოაწერა ხელი, წერს "აფსადგილ ინფო".