ზუგდიდში დადიანის ქუჩაზე მდებარე კორპუსში ძლიერი დაკვამლიანების გამო მოსახლეობის ევაკუაცია მიმდინარეობს. ადგილობრივების ინფორმაციით ცეცხლი, სავარაუდოდ, ელექტროენერგიის მრიცხველს გაუჩნდა.


ადგილზე მობილიზებულია სახანძრო-სამაშველო სამსახურის ბრიგადები და პოლიცია. აღნიშნულის გამო ქალაქის ცენტრალურ ნაწილს ელექტრომომარაგება შეუწყდა. შემთხვევის გამო არავინ დაშავებულა.