ახალი ამბები
ზუგდიდის ცენტრში ჯავშანმანქანები გამოჩნდა
ზუგდიდის ცენტრში, სადაც უკვე 3 საათზე მეტია სპეცოპერაცია მიმდინარეობს, ცოტა ხნის წინ ჯავშანმანქანებმა ჩაიარეს. პერიმეტრს მთლიანად სამართალდამცავები აკონტროლებენ.

შეიარაღებული თავდამსხმელი ზვიად გამსახურდიას ქუჩაზე მდებარე "საქართველოს ბანკის" ფილიალის შენობაში 20 - მდე მძევალს აკავებს. მათი უმეტესობა ბანკის თანამშრომელია, ნაწილი კი ბანკის მომხმარებელი, რომელიც თავდასხმის მომენტში შენობაში იმყოფებოდა.

შეიარაღებული მამაკაცი ბანკის შენობაში დაახლოებით 3 საათის წინ შეიჭრა. თვითმხილველების ინფორმაციით, მან შენობაში შესვლამდე ცეცხლსასროლი იარაღიდან 3-ჯერ ჰაერში გაისროლა.

შსს-მ მომხდარ ფაქტზე გამოძიება სისხლის სამართლის კოდექსის 179-ე, 236-ე და 144-ე მუხლებით დაიწყო.


Print