ზუგდიდში მძევლად აყვანილ პირებს დაზარალებულის სტატუსი ექნებათ
20:32 / 24.10.2020
ზუგდიდში "საქართველოს ბანკის" ფილიალზე თავდასხმის დროს მძევლად აყვანილ ბანკის
თანამშრომლებსა და კლიენტებს დაზარალებულის სტატუსი მიენიჭება. ამის შესახებ ჟურნალისტებს ყოფილმა მძევალმა ლაშა შენგელიამ უთხრა, რომელიც სამხარეო პოლიციაში დაკითხვაზე იმყოფებოდა.
ზუგდიდში ბანკზე თავდასხმის შემდეგ მძევლების თანხლებით გაქცეულმა ბოროტმოქმედმა მიმალვა შეძლო. არსებული ინფორმაციით, მამაკაცმა წაიღო ფული და გაურკვეველი მიმართულებით გაუჩინარდა.
მომხდარზე გამოძიება სისხლის სამართლის კოდექსის 179-ე, 236-ე და 144-ე მუხლებით მიმდინარეობს. ამავე თემაზე:
მასალის გამოყენების პირობები