ზუგდიდში, კონსტანტინე გამსახურდიას ქუჩაზე ველოსიპედისა და მსუბუქი ავტომობილის შეჯახებას მსხვერპლი მოჰყვა. თვითმხილველების ინფორმაციით, მამაკაცი, რომელიც ველოსიპედით გადაადგილდებოდა, ადგილზე დაიღუპა. გარდაცვლილის ცხედარი ქუთაისში, ექსპერტიზაზე გადაასვენეს.

მომხდარზე გამოძიება 276-ე მუხლის მეექვსე ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესების დარღვევას გულისხმობს, რამაც ადამიანის სიცოცხლის მოსპობა გამოიწვია.