დღეიდან ზუგდიდში მუნიციპალური ავტობუსით მგზავრობისთვის სპეციალური ბარათები ან მონეტები დაგჭირდებათ. მერიაში რადიო "ათინათს" განუმარტეს, რომ მოქალაქეებს ბარათის მიღება ქალაქის ცენტრალურ ნაწილში არსებულ 4 მოსაცდელთან (ბულვარის ტერიტორიაზე და სავაჭრო ცენტრი "ალიანსის" მიმდებარედ) დამონტაჟებულ აპარატზე შეუძლიათ.

ამასთან, ბარათის მიღება შესაძლებელია ცოტნე დადიანის ქუჩის #4 ნომერში. ბარათის ფასი 2 ლარია.

რაც შეეხება, მოსწავლეებსა და სტუდენტებს, მათ ბარათები უფასოდ ეკუთვნით და ამისთვის "საქართველოს ბანკს" უნდა მიაკითხონ.

ინფორმაციისთვის, ზუგდიდში მუნიციპალურ ტრანსპორტში ელექტრონული გადახდის სისტემა პირველად დაინერგა.

ფოტო: ზუგდიდის მერია