საქართველოს სახელმწიფო ელექტროსისტემის ინფორმაციით, ავარიული გათიშვის გამო ქვეყანაში აბონენტების ნაწილს ელექტროენერგია არ მიეწოდება. საუბარია ელექტროგადამცემ ხაზ "იმერეთსა" და ჰიდროელექტროსადგურ "ენგურჰესზე".

"დღეს, 14 ივნისს, 14 საათზე, ავარიულად გამოირთო 500 კვ-იანი ელექტროგადამცემი ხაზი “იმერეთი” და ჰიდროელექტროსადგური “ენგურჰესი”, რის გამოც ელექტროენერგიის მიწოდება შეეზღუდა საქართველოს მოსახლეობის უმეტეს ნაწილს. მიმდინარეობს ავარიის ლიკვიდაციის სამუშაოები. “საქართველოს სახელმწიფო ელექტროსისტემა” ბოდიშს უხდის მომხმარებელს აღნიშნული შეფერხების გამო", - ვკითხულობთ სსე-ის განცხადებაში, რომელიც კომპანიის ფეისბუქ გვერდზე გამოქვეყნდა.

თითქმის ერთი საათია, საქართველოს უმეტეს ნაწილს, მათ შორის, სამეგრელოსა და აფხაზეთს, ელექტროენერგია არ მიეწოდება.