აფხაზეთის დე ფაქტო რესპუბლიკის "საბაჟო კომიტეტის" ინფორმაციით, დეპარტამენტის თანამშრომლებმა ენგურის ხიდთან მდებარე ე.წ. გამშვებ პუნქტზე, 24 ლიტრი , ქართული მარკირების მქონე, ალკოჰოლური სასმელის "უკანონო გადატანის მცდელობა" აღკვეთეს.

უწყების ინფორმაციით, "კონტრაბანდული პროდუქცია", რვა 3 ლიტრიანი ბოთლი ლუდი, ზუგდიდიდან გალის მიმართულებით მიმავალი ავტომობილიდან ამოიღეს.

"საბაჟო კომიტეტში" აცხადებენ, რომ მათ "ადმინისტრაციულ სამართალდარღვევაზე მასალები საგამოძიებო და საბაჟო გამოძიების დეპარტამენტს გადასცეს" .

მანამდე, სოხუმმა ადმინისტრაციულ საზღვარზე "საბაჟო კონტროლის" დაწესების აუცილებლობის შესახებ არაერთხელ განაცხადა.