ჩხოროწყუს სოფელ ჭოღას მკვიდრი 24 წლის ახალგაზრდა მამაკაცი მოკლეს, მისი ძმა კი დაჭრეს. ადგილობრივების ინფორმაციით შემთხვევას წინ ურთიერთშელაპარაკება უძღოდა. მათივე ცნობით, დაშავებულები სამედიცინო დაწესებულებაში გადაიყვანეს, თუმცა ერთ-ერთი საავადმყოფოში მიყვანისთანავე გარდაიცვალა. 

მამაკაცის ცხედარს ექსპერტიზა ჩაუტარდა და ის საკუთარ სახლში გადაასვენეს. საავადმყოფოდან უკვე გაეწერა მეორე დაშავებული. 

შს სამინისტროს ინფორმაციით, გამოძიება 108-ე, განზრახ მკვლელობის მუხლით მიმდინარეობს.