სოხუმიდან სოჭში რუსული კომპანიის კუთვნილი სამგზავრო ჩქაროსნული კატამარანი ივლის. ამის შესახებ "ტასი" ავრცელებს ინფორმაციას. 10 ოქტომბერს, კატამარანი "გრიფონი", რომელმაც პირველი რეისი სატესტო რეჟიმში შეასრულა, ქალაქის პორტში შევიდა. 2022 წლის 1 მაისიდან კი ის რეგულარულ რეისებს შესრულებს.ამის შესახებ ადგილობრივ ჟურნალისტებს რუსული კომპანიის წარმომადგენელმა მიხაილ ანტოშინმა განუცხადა. მისივე ინფორმაციით, კატამარანი 120 მგზავრის გადაყვანას შეძლებს. მგზავრობის დრო კი, დაახლოებით, 3 საათი და 15 წუთი იქნება.

გამოცემის ინფორმაციით, 1992-1993 წლების ქართულ-აფხაზური კონფლიქტის შემდეგ, აფხაზეთის დე ფაქტო რესპუბლიკასა და რუსეთის ფედერაციას შორის საზღვაო ტრანსპორტით მგზავრების გადაყვანა არ განხორციელებულა.