გარემოსდაცვითი ზედამხედველობის დეპარტამენტის სამეგრელო-ზემო სვანეთის რეგიონული სამმართველოს თანამშრომლებმა წალენჯიხაში ხე-ტყის უკანონო ტრანსპორტირების 14 ფაქტი გამოავლინეს. კერძოდ, უწყების ინფორმაციით, ჯვარში გადამოწმების მიზნით შეჩერებული ავტომანქანების ძარაზე ჯამში 190მ³ პირველადი გადამუშავების პროდუქტი - ფიცარი, 2 მ³​ ძელაკი, 3 მ³​ ნაგვერდული, 20 მ³ საშეშე მერქანი და 12 ერთეული მრგვალი მორი იყო განთავსებული. 

მძღოლებმა ვერ წარმოადგინეს შესაბამისი დოკუმენტაცია. სამართალდამრღვევების მიმართ შედგა ადმინისტრაციული სამართალდარღვევის შესახებ ოქმები. საქმის მასალები შემდგომი განხილვის მიზნით, შესაბამის რაიონულ სასამართლოებში გადაიგზავნა.