საერთაშორისო მნიშვნელობის თბილისი–სენაკი–ლესელიძის საავტომობილო გზის 178-ე კილომეტრზე, უბისა-შორაპანის მონაკვეთზე ავტოტრანსპორტის მოძრაობა შეიზღუდება.  საავტომობილო გზების დეპარტამენტის ინფორმაციით, მოძრაობის ჩაკეტვა სამშენებლო სამუშაოებს უკავშირდება.

„დეპარტამენტის კონტრაქტორი ორგანიზაცია “ჩინეთის გზებისა და ხიდების კორპორაციის“ საქართველოს ფილიალი ახორციელებს ხიდზე რკინა-ბეტონის კოჭების მონტაჟს, რის გამოც, ავტოტრანსპორტის უსაფრთხო გადაადგილების მიზნით, საჭიროა 2022 წლის 20 თებერვალს 15:30 სთ-დან 17:00 სთ-მდე, აღნიშნულ მონაკვეთზე ავტოტრანსპორტის მოძრაობის ჩაკეტვა 10-15 წუთიანი ინტერვალით“, - ნათქვამია უწყების მიერ გავრცელებულ ინფორმაციაში.