ფოთისა და ხობის მიტროპოლიტი მეუფე გრიგოლ ბერბიჭაშვილი ფიქრობს, რომ მიხეილ სააკაშვილის პატიმრობა რუსეთისთვის მაამებლურია და გარკვეული ჯგუფები მიიჩნევენ, რომ ამ მიზეზით რუსეთი საქართველოს თავს არ დაესხმევა.

მაღალი იერარქიის სასულიერო პირი ჟურნალისტებთან სააკაშვილის ჯანმრთელობის მდგომარეობას გამოეხმაურა და თქვა, რომ ეს ჰუმანურობის და ანტიჰუმანურობის თემაა.

"მე ვფიქრობ, რომ მძიმე შემთხვევასთან გვაქვს საქმე. სამწუხაროა,რომ ასეთ ფორმატში და ასეთ თემაზე გვიწევს საუბარი, როცა ეხება საქართველოს პრეზიდენტს. არ მინდა რომელიმე პრეზინდენტს მოუწიოს ასე კიდევ. ზოგადად რაც ხდება ქვაყანაში, საზოგადოებში, ყველა სიმაღლეზე, ბადებს კიდევ უფრო მეტს ურთიერთმიუღებლობას და მეტ სიმძაფრეს და მოლოდინებს აჩენს, რომ როცა კიდევ შეიცვლება ხელისუფლება, ჩვენ შეიძლება ვიხილოთ ასეთივე შურისძიებები, რაც მძიმე წარმოსადგენია. ერთხელ ხომ უნდა გადაიდგას ნაბიჯი, რომ შემოვტრიალდეთ სინათლისკენ, სადაც ერთმანეთს თვალს გავუსწორებთ და ვიქნებით ამტანები და მოწყალენი, რადგან შეუცდომელი არ არსებობს.

ჩემი არით, ასეთი რამ არ უნდა ხდებოდეს და ეს არის თემა ჰუმანურობის და ანტიჰუმანურობის, ვისაც ეხება, თვითონ გაიგებს და თუ ვინმეზეა დამოკიდებული, პიროვნებებზე, ჯგუფებზე, როგორც ჩანს, ეს თემაა ძალიან მნიშვნელოვანია და მწვავედ დგას.

ჰეროდემ როცა ნახა, რომ იაონე ნათლისმცემლის დასჯა ხალხს მოეწონა და თავი მოკვეთა მას, ხალხის მოწონების შემხედვარემ გადაწყვიტა, პეტრეც დაეჭირა და დაესაჯა, ამით ხალხს მოაწონებდა თავსს. დამაფიქრებელი საკითხია და სადამდე მივიდა ჰეროდე ამ გზაზე, ვნახეთ. ვფიქრობ, ისტორიას უნდა გავუსწოროთ თვალი, მომავლით ვიცხოვროთ და არა წარსულით.

რაც შეეხება ჩვენს მეზობელს, გასაგებია, რომ ეს რთული მოვლენაა და მძიმე შემთხვევაა, მაგრამ ფაქტი და მოცემულობაა. მე ეჭვი მეპარება, ვინმეს ურეკავდეს და უკვეთავდეს სააკაშვილის დასჯას რუსეთის პრეზიდენტი, აქ სხვა ფენომენთან გვაქვს საქმე. ეს არ ნიშნავს, რომ არ უხარია რუსეთს სააკაშვილის ციხეში ყოფნა. ჩემი სუბიექტური აზრით, ეს ფაქტი თითქოს ესიამოვნება ჩვენს ჩრდილოელ მეზობელს და ის აღარ დაგვისხმის თავს. ეს გარდაუვალია, ამას ვერაფერ შეაკავებს, დღეს არა ხვალ, ზეგ იქნება, თუ არ გვექნა პრინციპული პოზიცია საერთოდ ჩვენი ჩრდილოელი მეზობლის მიმართ, ვინაა ის ჩვენთვის - მტერია, მოყვარეა, კეთილმოკეთეა, ძლიერი, მაგრამ კარგი მეზობელია, თუ საიდანაც მოდის ყველაზე დიდი საფრთხეები, მაგრამ ეს პოლიტიკის სფეროა და გაერკვევიან უჩვენოდ. ჩვენი ვალია ვილოცოთ და ვლოცულობთ ყველასთვის, სააკაშვილისთვის, პატიმრებისთვის, კანონი უნდა იყოს ჰუმანური და ევალებათ ყველაზე მეტი ჰუმანურობა კანონის აღმსრულებლებს“, - თქვა მეუფე გრიგოლმა.

ის ასევე გამოეხმაურა რუსეთის პატრიარქ კირილის განცხადებას, რომლის თანახმადაც რუსეთი თავს არასოდეს არავის დასხმია.

„ის, რომ რუსეთი არასდროს არავის დასხმია თავს რომ ეთქვა სასულიერო პირს, იერარქიის წარმომადგენელს, ვიტყოდი, რომ უბირი ადამიანია, ხეპრეა, გაუნათლებელია. როცა ეკლესიის მეთაური ამბობს ამას, ვხედავთ, უსაზღვრო ცინიზმს და რუსული იმპერიული პოლიტიკის გაგრძელებას“, - აღნიშნა მეუფე გრიგოლმა.

მან დღეს გიორგობის დღესასწაულთან დაკავშირებით საზეიმო წირვა აღავლინა.