აფხაზეთის დე ფაქტო რესპუბლიკის, კონტრაბანდისა და საბაჟო სამართალდარღვევათა წინააღმდეგ ბრძოლის დეპარტამენტის თანამშრომლებმა ენგურის ხიდთან მდებარე ე.წ. გამშვებ პუნქტზე, საქონლის უკანონო გადატანის მცდელობა აღკვეთეს.

მათი ინფრომაციით, ერთ - ერთი მოქალაქის ხელბარგიდან, რომელიც ენგურის ხიდს კვეთდა აფხაზეთის რეგიონიდან სამეგრელოს  მიმართულებით, ამოიღეს"საექსპორტოდ აკრძალული" ფერადი ლითონი (სპილენძი), რომლის საერთო წონა 8,150 კგ - ს შეადგენდა.

აღნიშნულ ადმინისტრაციულ სამართალდარღვევათა ფაქტებზე მასალები გადაეცა "აფხაზეთის სახელმწიფო საბაჟო კომიტეტის საგამოძიებო და საბაჟო გამოძიების დეპარტამენტს".